Trailblazer Society ajanga jang tenla

Dimapur, Metsüremi/March 31 (TYO): Dimapur district administration ajanga amenokba Food Bank nem Changki nunger lanur telok kati tentetba Trailblazer Society ajanga jang bag ishika tenla agütsü.
Iba tenla ya Niuland EAC, Wiridin nem amoktsü, shiba Food Bank in-charge lir.
Iba tenla agütsüba mapang EAC-i ashiba agi, “Ni pei kidangi moteti aliba passenger aser anogoshi aayangertem semdanga ao aser parnok anogo ka mesüra ana atema chiyongtsü anünga aliba angu. Parnok nisung meyirijang aika lir. District administration ajanga parnok nem anogoshi sorochioker agütsür, aji mesüra parnok aika yaseta asütsü.”
Nüngdaka alibapur nem teyari tilaka agütsütetba atema onok pela bilemer, kechiaser iba teyari yagi parnok anogo ka mesüra anabo mayatsü, ta Dr. Temjen Longchari, Chairman, Trailblazer Society ajanga sangdong ka nung ashi.