Tzudikong aser Wameken nung jangotzü angadi agütsü

Noksa abelen nungi tanabuba Kamal Jalan, Director Lenda Tea Factory Wameken Valley, Tzudikong Town aser tasembuba nung L.Temjen Jamir Ex.MLA aser Director, Wameken Valley Tea Producer Company Ltd aser Tzüdikong Town lenirtem kar angur.

Dimapuir, Metsüremi/March 31 (TYO): Tawa coronavirus wara prokshiba nungi kümzüka alitsü mechi linük tesem ajunga shibanger nüburtem chiyongtsü nung timtema alidang teti nübur asoshi belemja inyaker (Social Worker) lenir tajung Kamal Jalan, Borsillah (Assam) den L.Temjen Jamir Ex.MLA & Director, Wameken Valley Tea Producer Company Ltd nungeri Tzudikong Town aser Wameken yimtak teintet rogo aser timtemer kibong 143 tashi nem jang, süngojok, totzü, hand sanitizer aser mask lema agüja liasü, ta Tzudikong Ad-hoc Town Committee sangdong ka ajanga metetdaktsü.
Iba den 2019 küm Tuli area nung tenük timtemertem nisung 180 nem angadi eye check up den mozü aser tenük aina agutsüba, talisa nisung 19 tashi Jorhat-i anir oa tenük operation agir ano pei pei ki tonga anir aruja yaripa atema kangasa pelar. Nüburtem yaritettsü asoshi Tsüngremi parnok maneni moajangma, ta Tzudikong Ad-hoc Town committee-i sangdong nung shia lir.