Nagaland MLA temi itasen tenlar

Dimapur, March 31 (TYO): Nagaland nung Novel Corona Virus (COVID-19) noktangtsü aser prokshiba azüoktsü atema inyakba mapa nung amshitsü atema MLA ajaki Medical Department nem ita ka indang itasen agütsütsü lemtetogo, ta Nagaland Legislative Assembly Secretariat-i metetdaktsü.
Health & Family Welfare, S. Pangnyu Phom-i NLA Speaker, Sharingain Longkumer dang iba atema temepishiba ka agütsü aser Speaker-i political party ajak den jembitepdang MLA shiai ita ka indang itasen agütsütsü mulunga agizük, ta Assembly Secretariat-isa ashi.