NSCN/GPRN (R) ajanga züngsem ka tanaben anioker

Dimapur, Rongchii/April 01 (TYO): Tir-i sign süa totuyuba ka agütsüba ajanga Kilonser Langkhuh Konyak suspension order agiener, ta NSCN/GPRN (Reformation) indang MIP (Ministry of Information & Publicity) sangdong ka ajanga metetdaktsü.
NSCN indang Party Discipline kübok Arrla (4), clause (C) nung Disciplinary act ajanga kilonser ya September 23, 2019 nung suspend süja liasü.
Iba suspend order agienba ajanga kilonser ka kasa jenjang nung kasa Ministry kübok alitsü aser nüngdakba totuyubatem atema Competent Authority dangi arutsü tuyuogo, ta kasa sangdong ajanga metetdaktsü.