Robert De Niro interview tom nung oadok

September 22, 2015: Robert De Niro indang film tasenba ‘The Intern’ ajungketba sentong nung osangbener Emma Brockes-i asüngdangba kar nung taitsü keta aliba ajanga pai ‘The Radio Times’ den interview tagidak nung, toktsür ao.
Brockes-i De Niro dang film tangokba mapang khen danga kechi inyakerar memeteti kümdanger mekümdang ta asüngdang aser pai ngutetba ‘Tribeca Film Festival’ indanga asüngdanga liasü. Iba mapang pai la dang, na tebilemba tera meshidak ta shir pa mena aliba menden nungi alur oadok.
Brockes-i pa dang kodangsa ni yamaji benshi ta ashidang, nai iba yimyaji teti benshir, ta langzüa liasü.
“Nai kechi jembirar nai memeteter. Ni nisung yimya kanga junga ajiteter. Ni iba interview nung madentsü,” ta De Niro-i ashi.
De Niro interview toktsür aoba ajanga Brockes kanga jashi saka lai, ni kanga jashiaka ni ‘Goodfellas’ film nung shilem agisang den masatepnüba agi aremzük, ta The Independent osangbenertem dang ashi.
Comedy-drama film ‘The Intern’ nung De Niro aser Anne Hathaway nati tongti shilem agia lir. Iba film ya tech company nung inyaker kati (Hathaway) la aliba tesem nung teyari agütsüba temaitsü tambur ka (De Niro) mapa nung anioktsü merangba otsü lir. Iba film ya US nung September 25 nü aser UK nung November 2 nü nungi sayutsü sentong lir.