CM Rio-i Quarantine Centre aser COVID-19 Hospital semdang

Dimapur, April 1 (TYO): Bodbarnü Chief Minister Shri Neiphiu Rio den cabinet minister temi Meriema nung Quarantine Centre aser NHAK nung Covid-19 Hospital semdangogo.
Iba mapang Health & FW Minister, S. Pangnyu Phom aser Planning & Coordination, Land Revenue Minister, Neiba Kronu nati Chief Minister den COVID-19 atema mapa inyakba osang metetpelaa liasü.
Meriema quarantine facility nung Chief Minister Rio-i mapa inyakertem dang iba ama alima wara tulu atema kanga junga renemtsü aser kümdanga inyaktsü atema ayongzük.
Paisa ketdangsertem dang health facility nung inyakertem asoshi bilemtsütsü shisem.
NHAK nung Rio-i merükmejutsü aser drainage system jungjunga ayutsü atema ashi.
Chief minister-isa Department dang NHAK nung maparen tajungba akümtsü atema nüngdaktem sorkar dangi abentsü ashi.