Professional Council den senden amen

Dimapur, Rongchii/April 04, 2020 (TYO): Principal Director, Health & Family Welfare inadang office nung April 04, 2020 Honibarnü Nagaland indang Professional Council den senden ka agiogo. Iba senden nung Principal Secretary, HFW, Mission Director NHM aser tanga Department ketdangertem dena liasü, ta sangdong ka ajanga metetdaktsü.
Iba senden agiba mapang, tanga ama tensa (alima ajunga asüngba wara COVID-19) ka nung, nübu ajanga teyari agütsütsü asoshi council-i lemtet. Iba dak sendakba nung ajungben tensa achaayangatsü mechi telok nungi züngsemtem atema asalentong ka longjemer yanglutsü ta metetdaktsü.
April 03, 2020 tashi nung council balala nungi professional 60 agi Nagaland tesem ajunga nung mulungsoa nübu agi yaritsü asoshi mulungtetta liasü.
Kasa mapang, Health & Family Welfare indang Department-isa, tang alima ajunga asüngba wara anema nokdaktsü mechi professionals ajak dak pei sasa mulungsoa nübu tenla agüja tenzüktsü asoshi tayongzükba agütsü.
Iba professional council nung Medical Council of India, Ayush Council, Nursing Council, Pharmacy Council, Dental Council, Technician Council aser tanga wadang nungi züngsemtem densema lir. Council ajaki register sür alir züngsemtem indang list agütsütsü, ta kasa sangdong ajanga metetdaktsüogo.