Dimapur DC-i Fair Price Shoptem asoshi tetuyuba agütsür

Dimapur, Rongchii/April 04, 2020 (TYO): Dimapur nung April 06, 2020 (Hombar) nungi tenzüka anepdang 7:00 ako nungi nikongdang 4:00 ako tashi Fair Price Shop tem lapokdaktsütsü asoshi ADS, Food & Civil Supplies, Dimapur dang shidi ka ajanga Dimapur DC-i Anoop Khinchi-i metetdaktsüogo.
Anungji, nüburtem lijaliyongba mapang, parnok tsüngda tajemba agia meter ka shi pilar chiyongtsü aser nüngdakba osettsüset alitsü asoshi FPS dang tetuyuba agütsütsüla ta ADS dang DC-isa mepishiogo.