Wokha District Administration aser DDMA-i teyari agütsü

Dimapur, Rongchii/April 5 (TYO): Wokha District Administration aser Disaster Management Authority (DDMA)-i tangalen nungi aruba ayanger aser anogoshia ayaa chiyonga alirtem shirnok district mokdanga ayuba ajanga timtem ajurudaki parnok nem jang aser pulses amala teyari agütsüogo.
April 5 nü Town hall Wokha nung District Administration, Police, Wokha District Chamber of Commerce and Industries, ADS aser District Project Associate ketdangsertem, DPA (DDMA) Wokha nungeri achaayanga iba teyari agütsüogo. Parnoki tangalen nungi aruba ayanger aser anogoshia aayanga chiyonga alir 458 aser taolen makai aliba kaketshir 14 nem teyari agütsüogo.
District Administration sangdong ka ajangasa tarutsü anogotem nunga relief osettem sub-divisions, wards, colonies aser yimtsüng ajak nung authorities/councils den angatetepa lemtsütsü, ta metetdaktsüogo