Mon DC-i metetdaktsür

Dimapur, Rongchii/April 5 (TYO): Mon jila kübok health tsütsü nüburtem kümzüka toktsütsü aser Novel Corona Virus prokshia meyoktsü nükjidong nung Mon Deputy Commissioner Thaveseelan K, IAS-i sangdong ka ajanga nüburtem senzünsenpongtsü tetuyuba agütsüogo.

1. Mon jila kübok nüburtem senzüsenpongtsü atema permit kibong shia nem agütsütsü.
2. Kibong ka nungi nisung ka dang permit bener tenüngdakba oset aser mozü alitsü asoshi melatsü.
3. Shishilembartemi original permit sayuba sülenang nüburtem nem oset agütsütsü.
4. Kidang quarantine nung aliba kibongtem nem quarantine madem tashi permit magütsütsü.