Bhandari Sub-division kübok arrtsü shibanger

Dimapur, Rongchii/April 5 (TYO): April 4, 2020 nü sangdong ka ajanga Additional Deputy Commissioner Bhandari Tiameren Chang-i, Bhandari sub-division kübok Nagaland aser Assam arrtsü nung tetsüng lenmang dena lenmang ajak shibanga ataba metetdaktsüogo.
Iba tetuyuba sülen manidakertem ajak temzüng ozüng kübok merenshitsü, ta kasa sangdong ajanga metetdaktsüogo.
Kasa mapang nung inter-state arrtsü nung aliba yimtsüng ajak indang council dang nüburtem senzüsenpong meita alitsü aser tetuyuba shidak benoka inyaksangshitettsü asoshi district administration aser police den takok tashi teka amteper inyaktsü asoshi metetdaktsüogo.