District Administration-i kaketshirtem nem angati ration agütsü

Dimapur, Rongchii/April 5 (TYO): Nüburtem nem tenüngdakba oset balala agütsüba den Longleng district administration-i Longleng jila kübok school balala nung azünger kaketshir 21, shirnok taolen makai liasü parnok bushiteta, tanü DC office complex nung Deputy Commissioner M. Shayung Phom aser ADC Longleng D. Robin nati angati ration aser tanga tenüngdakba osettem agütsüogo.
Kaketshir 21 rongnung parnok 9 Yangli College nungi, Vision Vale School nungi 2, GMS Longleng nungi 5, Good Shepherd School nungi 3 aser GHSS Longleng nungi 2 liasü.