RD Directorate nung IPPE-II Exercise training agir

Dimapur, September 22 (TYO) : Hombar nungi RD Directorate nung MGNREGA Cell, Rural Development-i IPPE-II Exercise indang training ka ayongzüka agidar.
Intensive Participatory planning Exercise (IPPE) ya 2014 nung tenzük aser iba training nung yimtsüngtem nung MGNREGA Labour Budget yanglutsü atema tesayuba agütsür.
Planning Commission ajanga adokba backwardness index nung Ministry-i most backward Block 2500 shimteta lir aser item rongnung Nagaland nunga Block 24 densema lir.
“IPPE-I den atongtepa IPPE-II agir aser iba nung shilem talila kar enoksema lir” ta Alemla J. Chishi, joint director (MGNREGA)-i training lapokba sentong nung ashi.
IPPE-II ya IPPE-I agiba Block ajak nung agitsü aser yimtsüng tia nung alir sensakertem asoshi tongtipang sentong ka asütsü, ta laisa ashi.
Training tanabuba anogo nung additional director, RD, Hilo Semp-i shilem agirtem dang parnoki angazükbatemji yimtsüng nung mapa inyakertem den lemateplemsatepang ta ayongzük.
“IPPE-I aser IPPE-II ya asenok tebilemtsü khuret lir aser Block 24 prongla nung inyaktsü mapatem asenoki tongteta inyaktsüla” ta Hilo Semp-isa ashi.
Iba training nung BDOs, JEs, SOs, Technical Assistants, Pos, IPPE Blocks nungi DRDAs, NRSLM, civil society organization aser line departments nung nübotem adener.