ANPSA Dimapur-i teyari agütsü

Dimapur, Rongchii/April 6 (TYO): COVID-19 tashidak prokshia meyoktsü asoshi state ajunga mokdanger aliba mapang All Nagaland Private Schools’ Association (ANPSA) Dimapur tir Dr. Andrew Ahoto Sema lenisüba kübok association-i SASRD, Nagaland University, Medziphema Campus aser Noah’s Ark Children’s Home nem April 6 nü chiyongtsü lema agütsüogo. Hombarnü Deputy Commissioner Office nung District Administration ketdangsertem aser ANPSA Dimapur züngsemtem matsüngdang chiyongtsütem ADC, Medziphema nem agütsüogo.
COVID-19 tashidak pokteter timtem nung aliba mapang nüburtem aser talisa kaketshirtem shirnok hostel nung chiyongtsü agi anünga lidar, parnok timtem angateta iba sentong ya achaayanga inyakogo.