Mestubo aser Dr Longri nati Tuli sub-division semdang

Rural Development Minister Mestubo Jamir aser Advisor National Highways & Treasuries and Accounts Dr Longri den Tuli ADC, Tuli SDPO aser Watiyongpang check post nung tanga ketdangsertem tangokba noksa nung angur.

Mokokchung, Rongchii/April 6 (TYO): Rural Development Minister Mestubo Jamir aser Advisor National Highways & Treasuries & Accounts Dr Longri nati tanü Tuli sub-division aser Watiyongpang check gate (Assam-Nagaland arrtsü) semdanga COVID-19 dak sendakba nung ternemshibatem asadangogo. Tena ya COVID-19 dak sendakba nung Mokokchung district in-charge lir.
Tesemdangertemi check gate nung aliba police aser check gate nung medical team nem protective gears, hand sanitizers, hand gloves aser masks amala densema oset balala agüja liasü.
Parnokisa check gate semdangba mapang tensa kanga junga asadangogo aser check post anükertemia parnoki timtem ajangshibatem indang lemsatepa liasü. Iba sülen parnoki Tuli CHC semdang, kong protective equipment tem agüja liasü.
Maneni tesemdangertem aser Tuli administration o police senden ka menogo. Iba senden nung COVID-19 dak sendakba nung sub-division renemshia aliba indang asadangogo.
Iba sülen parnoki Impur Hospital semdanga COVID-19 den raratsü asoshi protective gears agüja liasü. Impur semdangba maongka agia parnok ABAM dena senden ka menogo aser tashidak den raratsü asoshi renema alitsü aser tekümdangtsü onük balala benoka sensaksemogo.