Kohima nung dokantem anogo asemnü dang lapoktsü

Dimapur, April 6 (TYO): Kohima nung pharmacy tem dak alaka ozüngi melaba dokantem Hombar, Bodbar aser Hokolbar anogotem dang lapoktsü, ta Hombarnü Kohima deputy commissioner Thejawelie Gregory-i tetuyuba tasen ka agütsüogo.
Kibong shia nungi züngsem ka dang pei kidang nungi shishii aotsü melatsü aser DC office nungi temelaba anguba garitem dak alaka tanga gari ka danga mesenzüdaktsütsü, ta Kohima DC-isa ashi.
Iba tenokdangba kübok medical, police, district administration ketdangsertem/staff, paramilitary, media aser tongtipang nüngdakbatem abenba garitem madener, ta paisa ashi.