IAF-i maneni shilem tajung agidar

Dimapur, Rongchii/April 07, 2020 (TYO): Novel Coronavirus anema raratsü mechi, Indian Air Force (IAF)-i maneni shilem tajung agia, state sorkar aser agency tem nem nüngdakba medical mozütem aser osettsüsetem mapang shitak nung tongja nungitta yaridar, ta PRO (Defence) sangdong ka ajanga Lt Col Sumit K Sharma-i metetdaktsü.
Tesüiba anogo ishika tejakdang, IAF-i nodal point nungi North East tesem kübok Manipur, Nagaland aser Gangtok densema J&K aser Ladakh tesem tem nung tayimtsü ajanga nüngdakba medical mozütem aser osettsüsettem tongja liasü.
Iba den bendenloksema, Odisha nung testing lab aser iba dak sendakba tanga oset amenoktsü atema April 06, 2020 nü An-32 aircraft ajanga Chennai nungi Bhubaneshwar tashi ICMR indang medical osettsüsettem tuozük seret 3500 kg den nisung belena liasü, ta kasa sangdong ajanga metetdaktsüogo.