2 Dimapur II A/C NDPP ajanga ration card malirtem dang metetdaktsür

Dimapur, Rongchii/April 09 (TYO): COVID-19 tashidak wara prokshiba nungi jenbua alitsü mechi linük tesem ajungalen shibanger aliba ajanga state ajaklen tensa tamajung ka nung lir, ta 2 Dimapir II A/C kübok Nationalist Democratic Progressive Party (NDPP) sangdong ka janga ashi.
Iba ama tensa mapang nüburtem anepalutsü asoshi state sorkari district administration ajanga nüburtem nem nüngdakbatem peritsür aser kasa mapang aasoshi state sorkari district administration ajanga nüburtem nem nüngdakbatem peritsür aser kasa mapang arogo, NGO, lokti tentet balala aser kija shiai mapa tajung inyakba ngua kanga pelar.
Iba ama tensa ka nung Dimapur II A/C kübok ration card maliba aayanger, unorganized sector nung inyaker aser kidangi moteti aliba kaketshirtemi mobile number 9856542898/9089971585/8837355271/8575394092/7005528041 tem ajanga tongtepratep asünung ajungtsü, ta kasa sangdong ajanga metetdaktsü.