Kohima DC-i metetdaktsür

Dimapur, Rongchii/April 9 (TYO): Kohima district nung Covid-19 tashidak prokshia meyoki nokdangtsü asoshi nüburtem dang March 6 nü sülen colony/ward/yimtsüngi aitertem shirnok Medical Department dangi temang asadangtsü asoshi moi lir, parnok indang osang Help Line numbers; 8837093602/7005464959 ajanga metetdaktsütsü asoshi Kohima Deputy Commissioner Gregory Thejawelie, NCS-i sangdong ka ajanga metetdaktsüogo.
Maneni Colony/Ward/yimtsüng ajak dang parnoki nisung kar dang jangjaa lira Medical Department-i jenjang tapet agitsü asoshi parnok indang osang tejangja agir helpline number tem ajanga osang agütsütsü tuyuogo.