MLA temi PM Care fund nem tenla agütsütsü

Dimapur, Rongchii/April 9 (TYO): Ato Kilonseri linük nung nüburtem dang COVID-19 wara agi timtem adokdaktsür aliba den raratsü asoshi Prime Minister’s Citizen Assistance and Relief in Emergency Situations Fund (PM CARES Fund) nem mulungsoa tenla agütsütsü atema mepeshiba temulungdang yur Nagaland Legislative Assembly-i sangdong ka ajanga ashiba agi, Nagaland nung Ruling coalition MLA temi April ita nungi tenzüka taruba küm ka atema parnok indang itasen shilem 30 iba fund nem tenla agütsütsü telemtetba agiogo.
State nung MLA tem ajaki ita ka itasen state Medical Department nem March ita agütsüba sülen tang parnoki iba telemtetba agiogo. Nagaland nung COVID-19 tashidak den raraba nung sorkar nem teyari agütsütsü asoshi MLA temi iba telemtetba agia liasü.