Principal Secretary, Home-i metetdaktsür

Dimapur, Rongchii/April 9 (TYO): Nüburtem shirnoksa commercial flight service lapoktsüba sülen Dimapur-i arutsü asoshi sentong lir parnok dang tangbo state-i marui atatsü asoshi Principal Secretary, Home Abhijit Sinha-i metetdaktsüogo.
Koda masüba maparen kar ajanga kar danga arutsüsa kümra Dimapur Airport nung anenba sülen tayimtsü nung arurtem ajak temang tendangtsü aser NST-i renemja aliba gari nung mener Nagaland sorkari Dimapur nung renema aliba quarantine centre temi anir aotsü. Tayimtsü nung arurtem ajak tajemtiba agi anogo 14 bo quarantine asütsü.
Maneni osang tejangja ka magütsü tashi interstate arrtsü ajak shibanga atatsü, ta Principal Secretary-isa metetdaktsü.