10 buba Imchaba Volleyball asayamong tenzükogo

Mokokchung, September 22 (TYO): Tanü Mongolbar nü nungi tenzüka 10 buba Imchaba Master Memorial Nagaland Open Volleyball Trophy 2015 asayamong Mokokchung kübok Imkongmeren Multi-purpose Sports Complex nung asayatsü tenzükogo.
Iba asayamong nung shilem agir telok 18 Pool telemsa 4 tashi küma lemsar asayadaktsüba osang jangjaogo.
Defending champions, Sporting Club Mangkolemba, Striking Tenth 10th NAP (IR) BN, Lakhuni Sporting Club, Friends United Club Chakpa aser Lenjet Club Changtongya nunger Pool A nung densema lir aser Longsa Sports Association, Adventure Cluba Changtongya, Ever Green Club Ungma, Sporting Club Tuli aser Young Stallion NP Colony Akoluto nunger Pool B nung densemdaktsüogo.
Ano, Pool C nung Likhum Sporting Club Longjemdang, Leeri Club Mokokchung, Citizen Club Longsa B aser Tongden Cluba Cungtia A aser Pool D nung Tongden Club B, Citizen Cluba Longsa A, Young Star SportING Club Unger aser Dolphin Mekuli nunger densema lir.
Tan asayamong nung mezüngbuba jenjang anguba telok nem takok marok aser kulikaket den külemi, senpet sena sen 70,000 agütsütsü renema lir.
Ano, tanabuba, tasembuba aser pezübuba jenjang anguba teloktem nem senpet sen 45,000, 30,000 aser 20,000 agütsüba den külemi, individual shilem nunga Best Spiker, Best Setter aser Player of the Tournament sempettem agütsü renemogo.
Nagaland ajunga nung ayongba volleyball asayamong rong nung tulutiba, Imchaba asayamong nung certified referee-temi dang asaya ajunga ketdang asütsü renema lir.
Asüng, Bodbar anepdang 7:30 ako nungi tenzüka asaya toktepa asayaba sülen tan September ita 25 nü tashi nung takokertem shimtettsü.