Kiset shiruru nungi coronavirus memenar

New Delhi, April 12 (Agencies): Kiset shirurutem dak nungi meimchirtemi coronavirus memenatsü, ta Deobarnü AIIMS Director Dr Randeep Guleria-i ashi.
“Coronavirus ya meimchir aser shiruru dak lir saka kiset shirurutem ajanga COVID-19 menateper ta asüba kuli kecha mali. COVID-19 ya nisung o nisung tsüngda menateper” ta Dr Guleria-i ashi.
“MERS (Middle East Respiratory Syndrome) aser SARS (Severe Acute Respiratory Syndrome) nung virus ji shiruru nungi nisung dak menatep, saka novel coronavirus yabo meimchir indang tongti ka virus lir nisung o nisung tsüngda dang menateper” ta paisa shisem.
Novel coronavirus wara prokshiba ajanga nisungtem petsaprongtepba mapang nisungtemi kiset shirurutem kidang nungi anienba osangtem kanga angazüker.