IGS tsürtemi Gujarat madak takok angur

Kohima, September 22 (TYO): Indira Gandhi Stadium (IGS) Sports Academy Football Girls team-i Gujarat madak goal 13-0 agi takok ngua tang Delhi nung tasayadak tetsür Under-17 Subroto Mukerjee Football Cup asayamong nung tanü Mongolbar nü shilem agiogo.
Sri Lanka teloki mapang shitak nung asayadak tonga maruba yong par telok nem walk-over agüja IGS tsürtemi yashi Hombar nüa takok anguba osang jangjaogo.
Tanü asaya nung Neichutuo-ii-i goal 5, Akala-i goal 3, Lam-i goal 2 aser Vizovonuo, Shangki aser Abeino nungeri goal ka ka agüja par IGS telok nem takok bener arutsü.
Team Coach, Ropfu Meyaase-i aniba IGS tsürtemi Delhi telok den asüng, Bodbar nü asayatsü lemzüka lir.