Cachar nung NSCN (K) pur ka apu

Silchar, Rongchii/April 15 (Agencies): Cachar district kübok Lakhipur tesem nung NSCN (K) pur ka puogo.
Police temi ashiba agi, telungpur senzüsenpongba osang tejangja ka angazükba sülen Lakhipur police aser Assam Rifles na senteper Mongolbarnü Jirighat kübok Namdailong yimtsüng meita ao aser NSCN (K) pur ka apu.
Pur alisang ya Nambipou (29) ta jangjaogo aser pa Manipur kübok Tamenglong district nungi lasü.
Police temisa, ken o ashishiba sülen pur alisangi pa NSCN (K) züngsem ka ta nangzük aser pa Corporal’ ka lir.
Paisa, pa 2016 küm ZUF nung aden aser 2018 küm July ita ZUF toktsür NSCN (K) nung aden ta nangzük.
Pa par kinunger ka kidang jenoker lia apu, ta police ketdangser kati ashi.
Police temi pa ket nungi .22 mm pistol ka, magazine ka, .22 mm injang tenet, combat trousers ana, combat shirt ana, rifle sling ka den accesories, boot patti ka aser BSNL SIM card ka ngutetogo.