DABA nung CBCNEI Youth Fest 2015 amungtsü

Dimapur, September 22 (TYO) : October 9-11, 2015 tashi Council of Baptist Churches in North East India (CBCNEI) Youth Fest 2015 alitsü aser iba benjung ya Nagaland Baptist Churches Council (NBCC)-i ayongzüka Dimapur Ao Baptist Arogo (DABA) nung alitsü.
CBCNEI Youth Fest 2015 indang omenji “Engage, Encounter, Edify” lir aser bible study, workshop, colour night o worship services nungertem alitsü.
Rev. Dr. Razouselie, ETC Jorhat-i Bible Study len anitsü aser sentong balala nung o jembirtemji Rev. Dr. Zelhou Keyho, Jacob Issac, National Director, Alpha India aser Bijoy Sangma, Asia pacific Baptist Federation nungertem alitsü.
CBCNEI Youth Fest 2015 nung workshop onük aser shisalen sayurtem yamai alitsü. Youth Alpha- Marky Granadeepan & Caleb Ellis; Worship Central- Balajied Syiem & Team; Nurturing Emerging leaders- Aküm Longchari; Youth Counseling- Molly Johnson (BIM) aser Entrepreneurship- Micah Johnson (BIM).
Iba benjungmung atema NBCC Youth Secretary, Vikuo Rhi aser DABA Youth Director Toshi Longkumer na lenisüba nung arogo balala nungi shimtetba luden kati mapa inyaker.