Kohima relief camp nung alirtem temang reprang

Dimapur, Rongchii/April 20 (TYO): Kohima District Administration aser District Disaster Management Authority (DDMA) ajanga Relief Camp, Kohima Local Ground nung aliba aayangertem aser dangartem April 19, 2020 nü temang repranga liasü.
Iba sentong nung Chief Medical Office (CMO) Kohima nungi Dr. Rüyangulie Paphino ya medical doctor liasü aser pai relief camp nung alirtem temang repranga liasü. Iba relief camp nung alirtem ya Kohima district kübok tesem balala nungi aruba lir aser tesem ka nung dang ayur.
Coronavirus, temang metaba, yimra aser tuberculosis dak sendakba nung iba relief camp nung alir nisung 15 temang repranga liasü, ta sangdong ka ajanga ashi.