Kohima nung shishilembadak sema senzü

Dimapur, April 20 (TYO): Kohima district nung COVID-19 wara prokshiba azüoktsü atema Social Distancing Committee ka tentetogo aser parnoki Kohima jila kübok tesem balala sema senzüogo.

Kohima district atema Legislators in-charge, Housing & Mechanical Minister Tongpang Ozukum, Urban Development & Municipal Affairs Advisor Dr. Neikiesalie Nicky Kire, Veterinary & Animal Husbandary Advisor R. Khing, Youth Resource & Sports Advisor Er. Zale Neikha, MLA Neikezhakuo Nakhro aser MLA Khriehu Liezietsu nungertemi shishilembaba mapang BOC, Razhü point aser High School junction nung shishilembadak sema senzü.

Civil society tem teyaritep ajanga shopping point aika nung nisung o nisung tsüngda tepila ayuba maparen shitak inyaker aser iba ya public-i amalitepa aliba ajanga lir ta MLA temi ajitetba osang ka metetdaktsü.

BOC nung shopping area nung bangdak committee-i nisung o nisung tsüngda tepila ayutsü atema inyakyim kar latettsüla, kechiyong iba tesem nung wholesaler aser aonsotsü ayoker aika lir, ta Minister Tongpang-ia ashi.

Iba committee nung District Administration, KMC aser Police den AYO, ASU, KVYO, KCCI aser AKMW züngsemtem dena lir.

Social Distance indang inspection & monitoring atema teloktem yamai lemsar senzü.

1. High School area: Advisor R. Khing aser MLA Khriehu Liezietsu
2. Razhu Point area: Advisor Dr. Nicky aser Advisor Er. Zale.
3. BOC- PHQ area: Minister Tongpang Ozukum aser MLA Keineizhakho Nakro