DALT-i Chief Wildlife Warden dang pelar

Dimapur, Rongchii/April 22 (TYO): Social media sabang balala nung mesü (Barking deer) aser large Indian civet arem shirurutem shikhariba indang video prokshiba dak sendakba nung Chief Wildlife Warden, Department of Environment, Forest & Climate Change, Nagaland ajanga April 21, 2020 nü aibelenertem takok ngua bushitetba aser jangjatetba osang sangdongba atema Dimapur Ao Lanur Telungjem (DALT) ajanga Chief Wildlife Warden, Nagaland, Dimapur aser pa den külemi inyakertem dang pelaba sangdong ka ajanga lemsatep.
Iba ama mapa tamajung DALT-i aitsür aser iba dak sendakba ken o kanga junga bushisüngdanga tapet ozüng agi alentsü ta amanger, ta DALT tir Aotemsu Aier aser tongti zülur S. Pangertoshi nati sangdong ka ajanga metetdaktsü.