Dimapur DC-i totuyuba agüja aliba shidak amshitsü netetdaktsür

Dimapur, Rongchii/April 22 (TYO): Disaster Management Act 2005 indang section 30(1), (2) kübok tashi agüja aliba amshia Deputy Commissioner of Dimapur Anoop Khinchi-i Dimapur district nung tang nungi tenzüka May 03, 2020 tashi ‘consolidated revised guidelines’ shidak amshia aotsü totuyuba agütsü.
Tashidak wara azüokba mapa inyaktsü mechi DC-i Executive Magistrate tem Incident Commanders ama pei tata tesemtemi yok. Pei tata tesemtem nung totuyuba agüja aliba ama maparen shidak inyaktsü asoshi Incident Commander khuret asütsü aser line department ketdangser ajaki item tesemtem nung iba ama Incident Commander totuyuba kübok inyaktsü, ta sangdong ka ajanga metetdaktsü.
Industrial & commercial establishment, mapa inyakba tesem aser office ajunga nung SOP mapa küma inyaktsü atema achayangtsüla. Saka iba consolidated revised guidelines ya Containment Zone nung mamshitsü.
Nisung kari danga anempongba maparen nung aibelenra, pa/la nem isaster Management Act 2005 kübok Section 51 nungi 60 nung mela aliba ama aser IPC indang Section 188 aser danga ozüngtem agi merenshitsü, ta Dimapur DC-isa nüburtem dang metetdaktsü.