Assam nung school fee 50% dang agitsü tuyur

Guwahati, April 22 (Agencies): Assam sorkari Bodbarnü state nung school ajak dang March aser April itatem atema school fee 50% dang agitsü tetuyuba agütsüogo.
“Mongin aika den iba onük jembiba sülen state sorkari March aser April itatem atema Class XII tashi school fees 50% agientsü telemtetba agiogo” state education minister Himanta Biswa Sarma-i ashi.
“Iba ya sorkar aser nija school ajak atema lir” ta paisa ashi.
“School kari fee meshiadoker lira, ibaji May ita indang fee den anepalutsüla” ta Sarma-isa shisem.
“Sorkari temelaba magii school temi school fee majungkettsüla aser iba tetuyuba ya COVID-19 wara metembang tashi atema asütsü” ta paisa metetdaktsü.
“Sorkari tuyuba ama meinyakba school tem Disaster Management Act nung lateta aliba ama shibangtsütsü” ta Sarma-isa tekümdangtsü olen ka ashi.
Paisa school tem dang tesayurtem itasen mekatizüktsü atema tetuyuba agütsüogo.
“May 30 tashi linük shibangba ya atsülangtsüsa kümra, school tem Honibar aser Deobar anogotema lapoktsü akok aser anogotem akoksaba atema soditem malitsü” ta Sarma-isa ashi.
Assam sorkarisa anogo asemnü atema nisungtem district o district tsüngda senzütsü atema telemtetba agiogo.
Ministry of Home Affairs (MHA)-i tuyuba ama April 25 nungi 27, 2020 tashi district o district tsüngda senzüsenbongtsü melatsü, ta Sarma-i metetdaktsü.
“Linük shibangba ajanga district balala nung gari bener nisungtemi anendaka alirtemi, pei pei Deputy Commissioner dang nungi e-pass meshitsü akok. Shirangertema sorkar mozü kitemi aotsü akok saka parnokia e-pass meshitsüla” ta paisa ashi.