ADC aser Longleng Town Council ajanga metetdaktsür

Longleng, Rongchii/April 26, 2020 (TYO): Longleng district nung anepdang 8:00 ako nungi tenzüka anüngdang 12:00 ako tashi tsünglanglen agüja aliba maparentem melatsü asoshi ADC aser Administrator Longleng Town Council (LTC) ajanga tetuyuba agütsür.

1. Highway lenmang sendaka aliba truck yangluba dokantem lapoktsü aser item tesem nung inyakertem/truck yanglui arurtem ajak pilar/tetsüngda yur maparentem inyaksangshitsüla.
2. Residential aser market complex nung aliba dokantem densema dokan ajak nung mask inoker aotsüla.
3. Kiyong telungtet nung aliba dokantem densema dokan ajak nung mask inoker aotsüla.
4. Taoba mapang sangdongba ama saloon, dine-in restaurant, eatery aser hotel tem maneni shiabangtsü. Ajisüaka, dine-in restaurant, outlet nungi ki tashi tsüngdong tonga bener otsüba (Home Delivery) aser online ajanga nüngdakba osettsüsetem order asüba ki tongtsütsü asoshi melatsü.
5. Hand sanitiser mesüra teka shidoktsü asoshi sapon tem amshitsü asoshi lapoktsü melaba dokan ajak nung dokan kiburi item oset ya achaayanga aser anepalua yutsütsüla. Iba den külemi dokan aser dokan nung amshiba tanga osettem den nisungi mapang shia kongshiba/nendakba tesemtem teti dang mesen asütsü mozützü agi shidoktsüla aser merüka ayutsüla.

Ajisüaka, tekalen agüja aliba tetuyuba kar salayongjia, lockdown dak sendakba nung taoba mapang tuyuba ama lokti nungi pilar alitsü/kati ka dak khenyongi mekongshiteptsü atema National COVID-19 tetuyubatem aser inyakyimtem nung nübur ajaki anidaktsüla, ta kasa sangdong ajanga metetdaktsüogo.