Dimapur Dist. Task Force senden ayonger

Dimapur, Rongchii/April 26 (TYO): Dimapur Deputy Commissiner Anoop Khinchi, IAS-i sangdong ka ajanga April 27 nü 1:00 ako nungi tenzüka Deputy Commissioner conference hall nung District Task Force senden ka amentsü metetdaktsüogo. Iba senden nung Dimapur District nung COVID-19 wara dak sendakba onük balala benoka sensak asemtsü
Anungji Dimapur, District Task Force züngsemtem ajak iba senden nung tamakok maludaktsüi aru adentsü paisa metetdaktsüogo.