Longsa aser Wokha Village Council-i chiyongtsü tenla agütsü

Wokha, Monupii/May 06, 2020 (TYO): Mongolbarnü (05.05.2020) Public Ground nung Longsa Village aser Wokha Village indang Council anapronglai Police aser Medical department nem süngolemba aser aonsotsü tem tenla ama agüja liasü, ta sangdong ajanga metetdaktsü.
Item aonsotsü aser süngolemba ya yimtsüng ana nungi Chairman aser council züngsem matsüngdang agüja liasü.
Alima ajunga asüngba wara ajanga maparen ajunga shibanger timtemba mapang ka nung, iba ama meimchir dang aria bilemba mapa tajung sayua teyari agütsüba atema District Administration, Police aser Medical Department temi village council anaprongla dang pelaba metetdaktsüogo.