Tuensang DC-i yimtsüng moteti alirtem dang metetdaktsür

Tuensang, Monupii/May 07, 2020 (TYO): Tuensang district kübok tesem balala nung pei pei talidaki moteti alir lisopurtem, pei district mesüra yimtsüng temi aotsü asoshi state sorkari melaogo, ta sangdong ka ajanga Tuensang Deputy Commissioner Kumar Ramnikant-i metetdaktsü.

Anungji, mepetmesü kecha meli senzüsembongtsü asoshi tsünglanglen agüja aliba tetuyubatem anidaktsüla:

1. Lisopurtem senzüsembongtsü temelaba agütsütsü atema May 05, 2020 nü Tuensang DC indang office nung Facilitation Cell ka lapoktsüogo aser pei pei talidaki moteti alir lisopurtem indang application tem officer SDO (C) Sadar, Shelley Katiry nodal officer (9862089699), EAC HQ, Puhan Khiamniungan aser SS NST S. Meju (8787500034, 7005310509) nungeri agizük tenzükogo.
2. Pei pei talidaki moteti alir lisopurtem atema angati NST bus service agütsütsü:

    Iba Cell ajanga NST bus ticket/private bus mekaa ayubatem achaayangtsü. Tenüng/gender/küm/mapa/tang telidak address/district/contact no. tejangjatem tekalen agüja aliba cell indang ph.no mashi ka nung agütsütsüla.

3. Executive Magistrate ajaki ward mesüra village authority ajanga pei pei tesem nungi list tem bendentsü aser Facilitation Centre nung agütsütsü akok.
4. Pei Pei talidaki moteti alir lisopurtem, shirnok pei nija gari nung senzüner, DC ajanga tejangja anogo agütsür sülenang parnok senzütsü melatsü.
5. Senzüsembongtsü asoshi, lisopurtem aser Nagaland nung alir tejangja nisungtem atema dang melatsü.
6. Senzüsembongba mapang COVID-19 dak sendakba nung lokti nungi pilar alitsü tuyuba ama aser tanga inyakyimtem anidaktsüla.
7. Pei talidaki moteti alirtem senzüsembongtsü asoshi agüja aliba anogo 3 – May 7 nungi 9, 2020 tashi dang melatsü.