Fair Price Shop tem dang metetdaktsür

Dimapur, Monupii/May 07 (TYO): National Food Security Act 2013 nung shia aliba nung ajemdaker, Assistant Director, Supply, Dimapur ajanga Fair Price Shop aser Village Council FPS ajak dang lateta aliba jenjang nung jangotzü timi agütsütsü nenshia metetdaktsü.
PHH card alir nisung shia nem jang seret pongu-ngu, seret ka nung senpak asem agi agütsütsü aser AAY card alir nem jang seret 35 agütsütsü, koba jenjang seret nung senpak asem alitsü, ta Assistant Director sangdong ajanga ashi.
Iba totuyuba sülen manidaker nem ozüng nung aliba ama temerenshi agütsütsü, ta sangdong ajangasa metetdaktsü.