School temi ‘Notes’ agütsütsü tuyur

Dimapur, May 7 (TYO): Department of School Education, Nagaland kübok züngsema aliba nija aser sorkar school ajaki DD/AIR ajanga sayuba lesson tem indang ‘Notes’ kaketshir nem agütsütsü atema mapa inyakang, ta Principal Director, School Education, Shanavas C, IAS-i tanü metetdaktsüogo.
DoSE-i DD/AIR nung Lockdown Tele/Radio Tutoring Programme kübok lesson sayubatem indang notes kaketshir ajak nem agütsütsüla ta paisa ashi.
Iba mapa inyakdang school ketdangsertemi nisung o nisung tepila ayutsüba amala tetuyuba ajak shitak inyaktsüla, ta Shanavas C-isa ashi.