Peren jila nung ki ka arong

Peren, Monupii/May 11, 2020 (TYO): Honibar aonung, Peren jila kübok Kipeuzang Colony nung alir Cikap’er ki, shiba shishilembar ka lir, par ki ajunga rongdoka liasü, ta sangdong ajanga metetdaktsü.
Iba lendong ya aonung 6:00 ako meta atalok, kong ki kibur yagi par joka nung mi apua yutsür kidang nungi ayazüka orr liasü.
Par kidang nungi mi adokba ngua kidangertem aoksatepa aser ansatepa aliba ki nunger nung mi ya mekongshidaktsütsü atema kiyonger ajak adenshia mi remseptsü merang. Iba mapang kilung nung aliba gas cylinder ka apok, saka iba lendong nung shinga meyiru, ta kasa sangdong ajanga metetdaktsü.