DC Kohima-i metetdaktsür

Dimapur, Monupii/May 11 (TYO): Taoba mapang totuyuba agüja alibatem kar melenshia Deputy Commissioner, Kohima, Gregory Thejawelie NCS ajanga tang nungi inyakyonga aotsü asoshi totuyuba kar agütsü.
Taoba mapang totuyuba agütsüba nung shia aliba dokan tem koba melentepa lapoktsü tuyua liasü, item dokan ya mela aliba mapang (anepdang 7:00 ako nungi nikongdang 2:00 ako) market days ajak (i.e. Hombar, Bodhbar, Hokulbar aser Honibar) nung lapoktsü.
Lenmang nung aliba Market Complexes indang tejakdang osettsüset ayoktsü melar, koba anepdang 7:00 ako nungi nikongdang 2:00 ako tashi Hombar, Bodhbar, Hokulbar aser Honibar anogotem lapoktsü.