DC Dimapur-i osangkaket alemer den pelaba lemsatep

Dimapur, Monupii/May 11 (TYO): Nüburtem anogoshi osangkaket züngtettsüsa bendanga agütsür tenzükba atema Deputy Commissioner, Dimapur, Anoop Kinchi, IAS ajanga osangkaket alemer tem den pelaba lemsatep.
Parnoki mapa meranga inyakba atema tepela sayua Dimapur district administration ajanga osangkaket alemer nem May 11, 2020 nü The Morung Express office telungzük nung teyari kar agüja liasü.
Iba ama mapa tajung inyaka osangkaket alemertem ajungmesoba asoshi osangkaket alemertem tenüng nung Dimapur Press Club tir, Dilip Sharma-i Deputy Commissioner dang pelaba lemsatep. Iba teyari agütsüba sentong ya Dimapur Press Club, Nagaland Press Association aser DPRO office Dimapur ajanga achayanga agiba alitsü.