Tuensang DC-i metetdaktsür

Tuensang, Monupii/May 15, 2020 (TYO): Nübur ajangazüdaktsütsü aser  District Task Force on COVID-19 senden nung lemtetba ama, nübur ajak dang tsünglanglen agüja aliba ama dokan tem lapoktsü asoshi mapang yanglushitsür, ta Tuensang, Deputy Commissioner, Kumar Ramnikant-i metetdaktsü.

1. Tuensang Town Council telungtet nung aliba dokantem aser shishilembaba tesem koba tenokdangba category nung madener, item ajak anapdang 7:00 ako nungi nikongdang 2:00 ako tashi dang lapoktsü melar.
2. Pharmacy aser Petrol Pump tem taoba nung metetdaktsüba ama mapang kasa nung lapoktsü aser shibangtsü.

Anungji, osang tejangja ka magütsü tashi, item tetuyuba ya sangdongba anogo nungi tenzüka ajaki anidaktsüla, ta DC-isa metetdaktsü.