Nisung 2,668 Nagaland-i marutsü tenüng agütsüogo

Dimapur, May 15 (TYO): Tanü nikongtsütsü 4:30 ako meta tashi nung Nagaland nungi nisung 2,668-i pei pei alidak nungi marutsü osang agütsüogo.
Parnoki iamstranded.nagaland.gov.in nung sen 10,000 agitsü atema tenüng agütsüogo, ta Principal Secretary Home, Abhijit Sinha-i metetdaktsü.
Külen, North East State balala nung anendaka alir nisung 1,084 tashi Nagaland tonga aruogo, ta paisa ashi.
Department of Health & Family Welfare-i Standard Operating Procedure (SoP) tasen agütsüshitsüba nung aliba ama, tangalen nungi arurtemi nCOVID-19 Nagaland- Visitors App aser Aarogya Setu App nung tenüng züluoktsüla. Iba dak sendakba nung toll free helpline No. 1800-345-0019 nung tongteptsü akok, ta Abhijit Sinha-isa metetdaktsü. Tanü nikongtsütsü 4:00 ako tashi nung Nagaland nungi sample 910 tashi tendangtsü bener yokba nungi sample 889 tashi negative putetogo. Ano, sample 21 indang osang ano mangu lir, ta paisa ashi.
Hokolbarnü nisung 6054 tashi screen süogo aser Facility Quarantine nung nisung 957 tashi yua lir, ta Abhijit-isa shisem.