Mkg DC ajanga metetdaktsür

Mokokchung, May 15 (TYO): Covid-19 lockdown ajanga tanga state nung anena alirtem shirnok Mokokchung district bushia arutsüba lir, item tsürabur/guardians-temi parnok quarantine centre nung anemponga amungba mapang amshitsü atema abensüoshi (beddings) aser merükmejudang amshiba nungdakbatem (toiletries) anepalutsütsü asoshi Mokokchung DC, Limawabang Jamir-i osang ka ajanga metetdaktsüogo.
Iba dak sentakba nung osang tejangja agiteptsü asoshi Nodal Officer – (9436016595/8787688288) den tongtepratepang, ta kasa osang ajangasa metetdaktsü.