Tanga state nungi Mkgi arurtem atema osang agiteptsü ‘Facilitation Team’ ka shim

Mokokchung, May 15 (TYO): Tanga state nungi Mokokchung district-i arurtem atema District Control Room Mokokchung COVID-19 den yaritepa inyaktsü asoshi Mokokchung Deputy Commissioner, Limawabang Jamir-i “Facilitation teams” ka district balala den tongtepratepa inyaktsü nodal officer kar shimtsüogo, ta osang ka ajanga metetdaktsü.

Facilitation team nungji item nodal officer-tem shimtet;

1. Er. Atu Imsong (BDO, Tuli) for Dimapur. # 9436002451.
2. Er. Imnamar (BDO, Changtongya) for Dimapur. # 8131812377.
3. Roben Messen (RTO, Mokokchung) for Kohima. # 9612687447.
4. Asasoba (SDO, PWD (NH) for Kohima # 8974574690.

Item nodal officer-tem jagi tongtibangsa mapa ana inyaktsü; mezüngbuba nung, tanga state nungi Dimapur/Kohima tonger külen Mokokchung district-i arutsü purtem indang osang tejangja anogoshi District Control Room COVID-19 Mokokchung (8131929284) nem update agütsütsü.

Tanabuba nung, Kohima district nungi Mokokchung district-i nisung kwi arur item osangtemji District Control Room COVID-19 Mokokchung nem update agütsütsü. Item nodal officer-tem jagi iba dak sentakba maparentemji Mokokchung Addl. S.P (9436266181) den angatettepa inyaktsü, ta kasa sangdong nungsa metetdaktsü.