NDRF-i 4TH NAP Camp merektettsü

Kohima, Monupii/May 17 (TYO): 12th BN NDRF Doimukh, sub team kati coronavirus tashidak prokshia meyoktsü asoshi May 17 nü 4TH NAP CAMP Kohima merektettsüogo.
Sub inspector K. P. Singh-i (team lenir), NDRF team-i sodium hypochlorite aser tzü na meyokteper 4th NAP battalion campus (commandant office, quarter guard, M.I. room Gym hall aser unit mandir etc.) nung raktsüogo, ta ashi. Team commander-isa, COVID -19 dak sendakba nung linük tenzüktsü NDRF team teti renema lir aser linük nungi iba tashidak agintsü asoshi inyaktepba nung NDRF team-i maneni teyari agütsütsü, ta ashi.
Maneni pai ashiba agi, 12th BN NDRF Rescuers temi sodium hypochlorite (NaOCl) aser tzü na meyokteper adokdaktsüba disinfectant ya jet spray machine aser motorized spray machine amshia raktsüogo, aser team nung züngsemtem ajak PPE agi sembanger maparen ajak inyaka liasü, ta ashi.