Arunachal nung Army-i civilian tepsetba aitsür: Naga Hoho

Dimapur, May 17 (Agencies): Arunachal Pradesh kübok Longding district nung Honibarnü Indian Army-i Naga civilian ka tepsetba aser aika yirutsüba aitsür, ta Naga Hoho-i metetdaktsüogo.
Iba lendong ya Pumao yimtsüng nung atalok aser tasüsangji Lamdan Lukham ta jangjaogo. Army-isa Jimphu Wangnow züka merenshi. Bangdakpurtemi iba tatalokba bushisüngdangtsüla aser aibelenertem merenshitsüla, ta Naga Hoho-i sangdong ka nung metetdaktsü.
Yimdaklirtem aser army tsüngda senden ka amendang iba lendong ya atalok. India army-i Naga nunger dak tashiyim mapa inyaker aser idangji tai maketba public kangshir, ta parnokisa ashi.
India nunger sepaitemi Naga nunger reshikangshir, timtemdaktsür aser bendanga amshir. Parnoki Naga nunger anema mapa tamajung inyakba ajanga Centre-i yimjung maparen nung temulung magütsür aser nangzükba ama meinyakba sayur, ta Naga Hoho-isa metetdaktsüogo.