NCD-i T. Pongo mangyim tejashi lemsateper

Dimapur, Monupii/May 21, 2020 (TYO): 1987 nungi 2014 küm tashi Khaimniungan Union Dimapur nungi Naga Council Dimapur nung taoba züngsem T.Pongo Khaimniungan, shiba May 21, 2020 nü iba akümli nungi pilaogo, pa asüba osang angashia Naga Council Dimapur-i tejashi lemsateper.
Pa ya lenir ka liasü, shibai Dimapur nung aser Naga nunger rangben yimjung aser tesünep asoshi Naga Council maparen balala nung shilem tajung agia liasü.
Iba ama mangyim tejashi mapang asür kinungertem den Naga Council-i asükhu lemsateper aser pa tanela nem anisüngzük agüjangma, ta Naga Council Dimapur-i sangdong ka nung metetdaktsü.