Longleng QC nungi nisung asem anizükogo

Longleng, Aami/June 08, 2020 (TYO): Longleng District kübok Lempong Quarantine Centre nung amunger nisung tenet anogo 21 abensaa parnok rongnung nisung asem indang sample tendangba nung iba tashidak meputetba den nüngdakba medical tetendangba ajak agiba sülen pei pei kidang quarantine asütsü atema Hombarnü (08.06.2020) quarantine centre nungi parnok anizüka liasü.
Kasa mapang, Quarantine centre nung alir tanüngba nisung pezü indang test result atadar, ibayongji par pezü ya institutional quarantine nung anogo 21 abensa mungaka parnok ya iba quarantine centre nungi meyoki lir.
Hombarnü nisung asem ya quarantine centre nungi meyokdang, doctor temi medical tetuyuba aser nüngdakba meratem ajak anidaktsü/inyaktsü asoshi par asemprongla dang metetdaktsüogo.