Peren district nung CrPC Section 144 benoker

Dimapur, Aami/June 08 (TYO): Nagaland Chief Secretary ajanga state tesem ajungalen shibangtsü totuyuba agüja aliba den külemi Deputy Commissioner, Peren, Sentiwapang Aier-i Peren district tesem ajungalen CrPC indang Section 144 benokba osang ka June 7, 2020 nü metetdaktsü.
Iba totuyuba kübok nisung pongu mesüra tali tesem ka nung adenshiba nokdanger aser temelaba agüja alirtem dak alaka nikongdang 5:00 ako nungi anepdang 6:00 ako tashi nisung shinga mesenzütsü, ta shia lir.
Iba totuyuba nung aibelener nem Indian Penal Code (IPC) indang Section 188 kübok temerenshi alitsü, ta sangdong nung shia lir.