CMO Peren-i Tening sub devision-i nisung 10 yokogo

Dimapur, Aami/June 16 (TYO): Additional Director of Health and Family Welfare cum i/c of Chief Medical Officer Peren, Nagaland, Dr. Denis Hangsing-i June 14 nü tanga state nungi arur parnok nisung 10, Tening Sub Division facility quarantine-i yokogo, ta metetedkatsü.
Additional Deputy Commissioner Rhosietho Nguori, NCS-i sangdong ka ajanga ashiba agi, Dimapur nungi June 15 nikongtsütsü yokba tetsür pongu Tening Sub-Divisional Task Force-i June 16 nü Tening nung agizükogo. Temetettsü kar metetdaktsüba sülen parnok New Nzau village-i kidang quarantine asütsü asoshi yokogo, ta metetdaktsü.